|
ปฐมบท "ข่าวจากเว็บมาสเตอร์" เป็นข่าวบอกบุญเด้อค่ะพี่น้อง  เนื่องจากตอนเข้าพรรษามีสมาชิกเว็บบ้านเฮาคนนึง (น้องโอ๊ต) ได้มีโอกาสเข้าร่วมถือศีลอุโบสถร่วมกับผู้เฒ่าผู้แก่บ้านเฮา กะอย่างที่รู้ ๆ กันนั่นล่ะว่า พ่อออกแม่ออกบ้านเฮาเพิ่นมีจิตศัทธายิ่งใหญ่อีหลี แต่ละศีลมีอุบาสกอุบาสิกาบ่ต่ำกว่าร้อย สองร้อย สามร้อยกะเคยมี และจากการเข้าร่วมถือศีลของสมาชิกเว็บเฮากะเฮ็ดให้ได้รับรู้ปัญหาของเพิ่นเรื่องนึง นั่นก็คือหนังสือสวดมนต์ ปัญหาคือ บ่มีหนังสือสวดมนต์ที่เป็นแบบของบ้านเฮาอีหลี แต่ละคนก็พกมาคนละเล่ม เวลามาสวดมนต์ร่วมกัน เปิดหาบ่ทัน ว่าซั่นเพิ่นว่า เอากลับมาปรึกษา อ้ายเอื้อยสมาชิกน้ำอ้อมดอตเน็ต ว่า เฮ็ดจั่งได๋ดีล่ะอ้าย(กอบ) เฮาเฮ็ดหนังสือสวดมนต์ให้ผู้เฒ่าบ้านเฮาดีเบ๊าะ เอาเป็นแบบบ้านเฮา ให้บทสวดมนต์มันเรียงกัน มีบทที่เป็นภาษาบ้านเฮานำ ตำราอื่นมันบ่มี "ดีคัก" อ้ายกอบเลาว่า เลาเลยรับอาสาทำหน้าที่คีย์ข้อมูลที่เรียบเรียงและรวบรวมได้จากคำบอกเล่าของผู้เฒ่าบ้านเฮา แล้วกะตำราอื่น ๆ นำ มาประกอบกัน เสร็จแล้วกะส่งให้เว็บมาสเตอร์ "จัดเล่มให้แนะ" เพิ่นว่า ฮ่วย คือดีแถะอ้าย ย่านน้องบ่ได้บุญนำติ บ่ว่ากันเรื่องถนัด เอ้าทำบุญ ทำบุญ ใช้เวลาเกือบสองอาทิตย์ ได้ออกมาแบบนี้ล่ะค่ะพี่น้อง
เป็นหนังสือขนาด A4 ทั้งหมด ประมาณ 110 หน้า คำถูกคำผิดเบื้องต้นให้โอ๊ตและบ๋อมร่วมกันตรวจวันอาทิตย์ที่ผ่านมา หนุ่มปานคอยเป็นกำลังใจ อ้ายรันดร์แผนกจัดซื้อ อ้ายกอบเลาคีย์ข้อมูลแล้วเลยให้เลาล้างจาน เว็บมาสเตอร์คอยแลนเข้ากล้อง (ทำงานหนักมาแล้วตั๊วะ) สำหรับหนังสือตอนนี้กะคิดว่าน่าจะ 80% ได้ ส่งเมล์ไปให้หลวงพี่ศรเพิ่นซอยตรวจ แล้วกะแลงนี้จะกลับไปหาแม่วันแม่เลยถือโอกาสเอาไปให้เจ้าอาวาสวัดบ้านเฮา (พระอาจารย์ศรี) เพิ่นตรวจนำ หลังจากนี้ก็แก้ไข แล้วกะคงจะส่งโรงพิมพ์ได้ ตั้งใจสิให้ทัน 6 กันยา เลือกตั้ง อบต. จะถวายมื้อนั่นเลย ปกหน้า ปกหลัง สารบาญ 1 สารบาญ 2 สารบาญ 3 สารบาญ 4 หน้า 1 หน้า 2 รายชื่อผู้ร่วมจัดทำในเบื้องต้น (ฟ้าวมาเพิ่มซื่อเด้อ มีเวลาจำกัดนะคะ) บอกบุญทินี่ อันว่าหนังสือข้างบน ระดมความคิดกันแล้วตกลงว่า จะจัดทำประมาณ 300 เล่ม ราคาต่อเล่มถูกสุดที่มีโรงพิมพ์เสนอมาคือ 75 บาท (อาจจะมีเสนอมาถูกกว่านี้) รวมแล้วจะเป็นเงินทั้งสิ้น 22,500 บาท บ่พอ สมาชิกสรุปร่วมกัน เพิ่นกะเลยว่าให้มาบอกบุญพี่น้องเว็บเฮา เอ้า ไผมีจิตศัทธา แจ้งได้เลยค่ะ ------- ตามศัทธาเด้อจ้า โอนตังค์แล้ว ฟ้าวแจ้งจะอัพเดตรายชื่อให้เห็นทั่ว ๆ กันเด้อ เบิ่งภาพประกอบและรายละเอียดเพิ่มเติมที่ กระทู้นี้ค่ะ เว็บมาสเตอร์ 
|
... www.thaitambon.com....www.kasetwisai.org...เห็นบรรยากาศบ้านเราก็ชื่นใจ
ได้กลิ่นไอดินเลยเชียวละ...แต่พอราตรีบอกเว็บนี้ก็เลยรีบมาดูค่ะ
แหละกะดีใจ และขอบคุณสื่อกลางบ้านเฮา...ทำหนังสือจะทำอีกรึป่าวค่ะ..
เอาเป็นว่าหนูจะเข้ามาอัพเดทข่าวสารบ้านเฮา ซุมื้อละกาน
..อืม..อยากให้มี หน้าเกี่ยวกับภาพบรรยากาศ ภายในหมู่บ้าน..วัด.ถนน หนทาง..ภาพกิจกรรมมวน ๆ
ประเพณี ค่ะ
...คิดถึง...ทุกคน...ไม่คิดก็ถึงอ่ะ..